Այսօր ժամը 18։30-ի սահմաններում «Գյումրի» բժշկական կենտրոն է տեղափոխվել ռուսական 102-րդ ռազմաբազայի 23-ամյա զինծառայող՝ գլխի հրազենային վնասվածքով։
«Գյումրի» բժշկական կենտրոնի փոխտնօրեն Արմեն Խաչատրյանն «Ազատությանն» ասաց՝ ռուս զինծառայողին վիրահատել են, բայց նրա վիճակը շարունակում է ծայրահեղ ծանր մնալ:
Պարզ չէ, թե ի՞նչ հանգամանքներում է զինվորը ստացել հրազենային վիրավորումը ռուսական ռազմաբազայի տարածքում: Դա, ըստ ամենայնի, ռուսական կողմը կքննի:
